變了金毛 written by Mrs Mak

呢期真係揀得太多.......揀到咩都唔想楝, 由其係D 唔係咁重要既事,可以事但, 求期既野,都會事但

仲有兩個星期就結婚LA, 當然開始要整下個頭LA,為左留長D頭髮, 由上年到已家成十個月無去過髮型屋, 其實都幾難接受, 我睇過一本日本雜誌, 女仔係應該2-3個月去髮型屋整下個頭. 今日都係忍唔住LA,  我其實好怕去整頭髮, 因為一整就要整成半日, 超悶........

髮型師問我要咩色, 我同佢講同我染均個頭就OK LA, COLOUR方便就唔要紅色，啡金，　佢又問我要幾啡幾金，　我同佢講你覺得咩色靚就染咩色，　求期是但ＬＡ。。。。佢見我好似好唔想擇咁，　就唯有自己 搞ＬＡ，因為呢期我好似染上左選擇恐懼症咁。　

唔想再諗..睇完三本雜誌後, 望望自己既樣.....嘩~ 好似好金既, 沖完水後發覺個頭金左好多.... 其

實都真係睇唔慣ga. 不過無計la, 咁我同人講無所謂整得靚就ok 既, 不過己家就有個煩腦, 就係要買假髮, 因為化妝師d 假髮既colour 同我個d唔同.....

呢幾日唯有去找找la, 因為無時間la.....

大作戰計劃 - written by Mrs Mak

呢兩日跳返funky dance, 個feel真係好倦, 我覺得自己好似無咩力咁,

d step好多都跟唔到, 不過funky dance 有趣既地方就係跟唔到你都
會覺得好玩, 前一排因為工作太忙, 無時間玩, 咁岩呢期有d job 既調動好返好多,
又要開始我既減肥大計, 距離BIG DAY 仲有都係兩個月多, 真係
要好好再PLAN 下, 下星期開始要地獄式減肥, 節食, 狂跳........
希望今個月可以瘦3LB ......係咪定個目標太低呢? 不過我自己
覺得SET 低D 可以容易達標會開心D...加油...

HAPPY BIRTHDAY written by Mrs Mak

仲有差唔多半個鐘, 又生日LA, 今年既感覺好特別,
可能係自己婚前最後一個生日, 今日過得好平淡, 返工放工,
無咩特別慶祝活動, 以往都鐘意同d 朋友搞下d 倒數活動, 都
幾熱鬧, 唔知係咪人大過左, 越來越唔想咁快生日, 而對生日
既重視程度都低左好多,  今年都幾特別, 係自己既新居過,
上年都有屋企人同自己一齊,一諗起由十月開始就會進入我
人生另一階段, 心情都幾緊張, 覺得人大個左要學習成熟D同獨立D .
係呢一年一個人係新居住真係學左好多野, 對我來講係一種磨練,
過多半個鐘, 又係新一歲既開始.
HAPPY BIRTHDAY!
 

令人感動的蛋糕 - 生日第一擊 written by Mrs Mak

以前每年生日都好期待, 隨住自己越來越大就越唔想生日.
 每年既端午節我屋企人都會慶祝, 今年都唔例外, 我地係荃灣既
一間酒樓食飯, 雖然無以往咁多人, 但我屋企人全部都係到, 連我細佬
平時好夜收工都收早左, 我阿姨行動唔方便都有到, 佢可以話係每
年最堅持既一個, 無論打風落雨佢都會幫我搞生日,
我表妹(B女)仲為我整左個cake tim. 佢係一個初學者, 對於我整開CAKE來講真係無咩期望GA, 佢整個個係豆腐芝士蛋糕,  一打開原來有個suprise tim, 個CAKE
寫'HAPPY BIRTHDAY MARGARET' 個一刻我真係好感動GA, 估唔到佢咁細
個都咁有心意, 因為我知道D 字係好難整GA, 要用卡紙做每一個字, 然後鋪上芝麻
粉, 以一個自學者來講都真係幾難GA, 花左真係唔少心機, 所以我同我自己講一定要食哂佢, 呢份心意我唔會浪費, 可能我從未收過一個我FEEL到佢
用左好多心汗整既CAKE LA. 我自己做開CAKE 係好明白個心情, 個CAKE個味道
都幾唔錯GA, 我食左兩件. 飽左成晚
我覺得我都真係幾幸福,
有一家咁錫我既屋企人, thanks god !

令人期待的蜜月 - 馬爾代夫 by Mrs Mak

小豬麥兜：那裡椰林樹影，水清沙幼，藍天白雲，是位于印度洋上的世外桃源……

真係好吸引呀 - 我地plan 左honeymoon 都plan 左大半年,由歐洲希臘到非洲埃及我地都
諗過, 不過最後還是鍾情麥兜既推介 -水清沙幼，藍天白雲的馬爾代夫.

提到馬爾代夫要考慮既並唔係行程而係resort, 旅遊書裏面既resort 間間都好靚, 四星
級的resort都可以令你盡情享受大自然, 每一張的photo, 水也清澈得見底, 諗起都
真係好想即刻去.

初試 "提升" - written by Mrs Mak

比左錢不唔一定係大晒, 試衫都要預約架 - 最後BOOK左兩個星期, 終於BOOK到一個下午時間LA (仲要閒日, 不過人地得閒d, 我地試衫都方便d, 大家好做嘛), 今日去左溫馨試衫, Book 溫馨係因為我都幾鍾意個到d 婚紗同埋款多, 我相信咁多百件總有d岩我既, 今日大約三點.就去到啦.
試返我like 個件婚紗都一樣咁鍾意,  我記得上一次試好似個身脹d, 跳左一個月funky dance 依家瘦返少少, 但係都係要減, 唉.....唔知真係要減到幾時呢? 減肥就係我0既終身事業.
晚裝既款真係好多, 公主款同a line 我都試過, 兩個feel 都幾鐘意, 好多顏色都試過, 真係估唔到原來我着桃紅同黃色係幾好睇, 本身我都幾like 紫色, 但因為百樂門d 佈置係紫色我又唔想撞, 最後都無揀,  揀左兩個鐘我同阿mak都揀完. 可惜個到唔俾影相. 要final 先有得影, 己家要繼續努力減肥, 同埋下一步要諗下造型, 由頭到腳其實涉及n 咁多個parts….
MAK 禮服
1) 米白色禮服 – 太型太誇張0既都無揀, 只係揀左一件 “少型”, 行教堂始終唔同行catwalk. 款要正經d 嘛
2) 灰銀色禮服 – 我覺得ok 但mak 好like, 佢話成世人未著過銀色…好, 支持下佢…
Margaret 禮服
1) 白色公主款大拖尾婚紗, 好多LACE同閃石, 靚~~mak 都好鍾意
2) 桃紅色low cut 晚裝, 以釘花同閃石, 好sharp,着完成個人都白d
3) 紅色ALINE 吊帶晚裝, 着左好有女人味, 拖尾好靚好高貴 
4) 黃色DEEP V ALINE 晚裝, 諗住送客着, 終極性感, 着左個人高左同高貴左
仲有姊妹同媽媽, 同埋自己套褂 – "一切仍要努力!"

funky dance 真係好好玩 written by Mrs Mak

跳左半個月多la, 條腰都真係瘦返少少, 今日第一次上DAVID堂,
真係好正,佢識得搞氣氛, 雖然佢D STEP 都係比較
容易, 但係我都出好多汗, 最特別既係佢最尾個半個鐘同我地排
左一隻舞, 真係幾好玩. 自從舊個班導師走左之後，　我覺得最好
玩就係呢一堂ＬＡ．己家要努力，月尾要試衫，　希望到時有個
好好既狀態，　可以擇到Ｄ　靚衫ＬＡ．

Ｍargaret 

試妝完成4/4 written by Mrs Mak

由於想試多個化妝師, 我係esdlife 個到搵到個叫阿yan 既
化妝師, 睇過佢個blog 覺得佢d 妝大部份都幾好,  但由於阿
yan 太忙la, 我由三月中book 佢book到今日先試到妝，　佢
試妝地點原來係白田購物商場，　呢個地方對我來講一ｄ　都
唔陌生，　因為我以前係呢到返學，　返返來呢ｄ　個地區，
本來我想同阿ｍａｋ去食我以前返學最ｌｉｋｅ既韓國燒，　
但依家己經變成左酒樓，　而名都商場的商店都無左，真係有一
種面目全非既感覺，好彩以前我鍾意食既冰冰樂仲係到，飛碟同
車仔麵依然好味，回味之後我地去到阿ｙａｎ既化妝間試妝ｌａ．
第一次見阿ＹＡＮ都覺得佢係一個幾專業既化妝師，　我俾左我ＬＩＫＥ
既台式化妝俾佢睇，　同埋係雜誌到剪左Ｄ　造型俾佢睇，　佢都
好似幾明白，　試完兩個妝同頭我都幾滿意，　都真係幾靚，　我地
都有同佢討論佢製作既ＢＬＯＧ，　當中談及每一個人每一個趣事都
好吸引我們，　我地三個都係歡樂既聊天完成了試妝．對我來講就好
似放下心頭大石，　唔洗再找其他化妝ＬＡ，　阿ＹＡＮ佢話仲會幫我
ＦＩＮＡＬ　試妝，　對我來講好似都有了保障，　希望我自己都可
以保持最佳狀態ＬＡ．　

百樂門 - 傾酒席 written by Mrs Mak

己家經濟唔好, 好多酒樓都減價吸引d 客, 上次行婚紗展,
百樂門仲做10 送 1 免酒水tim, 我地2008 落訂都無咁平, 我
今日同阿mak 去百樂門搵酒席部傾下, 順便同佢地酒樓做
返個black and write la.

我地之前係婚紗展幫我地落訂個個唐經理唔係呢間百樂門,
所以今次招呼我地個個係譚小姐,  呢個譚小姐我覺得係百
樂門宴會部最無禮貌個一位, 我地諗住同佢傾下有無得平d
佢開頭好confirm 話無, 最多俾返星期一至四既價錢比我地,
問佢有無野送, 佢都話無, 我地同佢講如果擺多d 會唔會有offer,
佢都話無, 吓!! 我幫襯你地多d 圍數都無得平? 阿mak 見及此佢就
同佢講咁我地擺25圍就收工, 我地最後一次問佢係咪無得讓步?
佢最後話如果我地有30圍, 酒水就計我地100 蚊一圍, 都好過無la.
唉! 今時今日咁既service 點得ga, 我又唔係唔俾多幾圍你地做, 點解都企
得咁硬呢. 最後都係成交左la.算.....我地都希望好好合作姐....

今日有人係到擺酒, 個場真係幾靚, 無柱, d 圍樓又岩我地, 都幾
grand , 真係好期待快d到呢一日
Margaret