令人感動的蛋糕 - 生日第一擊 written by Mrs Mak

以前每年生日都好期待, 隨住自己越來越大就越唔想生日.
 每年既端午節我屋企人都會慶祝, 今年都唔例外, 我地係荃灣既
一間酒樓食飯, 雖然無以往咁多人, 但我屋企人全部都係到, 連我細佬
平時好夜收工都收早左, 我阿姨行動唔方便都有到, 佢可以話係每
年最堅持既一個, 無論打風落雨佢都會幫我搞生日,
我表妹(B女)仲為我整左個cake tim. 佢係一個初學者, 對於我整開CAKE來講真係無咩期望GA, 佢整個個係豆腐芝士蛋糕,  一打開原來有個suprise tim, 個CAKE
寫'HAPPY BIRTHDAY MARGARET' 個一刻我真係好感動GA, 估唔到佢咁細
個都咁有心意, 因為我知道D 字係好難整GA, 要用卡紙做每一個字, 然後鋪上芝麻
粉, 以一個自學者來講都真係幾難GA, 花左真係唔少心機, 所以我同我自己講一定要食哂佢, 呢份心意我唔會浪費, 可能我從未收過一個我FEEL到佢
用左好多心汗整既CAKE LA. 我自己做開CAKE 係好明白個心情, 個CAKE個味道
都幾唔錯GA, 我食左兩件. 飽左成晚
我覺得我都真係幾幸福,
有一家咁錫我既屋企人, thanks god !

令人期待的蜜月 - 馬爾代夫 by Mrs Mak

小豬麥兜：那裡椰林樹影，水清沙幼，藍天白雲，是位于印度洋上的世外桃源……

真係好吸引呀 - 我地plan 左honeymoon 都plan 左大半年,由歐洲希臘到非洲埃及我地都
諗過, 不過最後還是鍾情麥兜既推介 -水清沙幼，藍天白雲的馬爾代夫.

提到馬爾代夫要考慮既並唔係行程而係resort, 旅遊書裏面既resort 間間都好靚, 四星
級的resort都可以令你盡情享受大自然, 每一張的photo, 水也清澈得見底, 諗起都
真係好想即刻去.

麥麥食 - 再戰巴蜀風

從生活營回到工作, 暫時忘不了的既有遊戲的片段, 也有那種從蛇口帶回來的麻辣味...
又去巴蜀風? 沒錯, 離開青青世界, 既然直接回港也要吃, 倒不如再嚐一次. 之前是團體膳食, 沒有吃太辣, 再戰實在可彌補美中不足之處.....手持九萬個藉口, 便邀請表姐和我們再去一遍.....
該區食店林立, 而這間川菜館面積也十分大, 但等位似乎是必要步驟, 這也証明了它的江湖地位.
等得久了, 吃辣的戰意更強. 入到去真係唔辣唔叫

每人一瓶 "唔打得都睇得" 的百寶茶, 個茶壺咀很長的, 待應們用不同的POST為我們
添茶, 好似表演

我地今次叫左D咩呢?
土雞片 - 好入味 3個辣 - 前菜一流, 非常開胃, 阿MAK最愛

啤酒鴨 - 5個辣- 啤酒味滲透麻辣入面, 好特別

乾麵 - 2 個辣 - 彈牙

水煮魚 - 4 個辣 D 魚真係好滑, 我最LIKE食呢個因為好麻,
食完都好想再食.

主食肉醬飽 - 唔辣, 入面的肉醬好多, 好好味, 食完咁多
辣野, 要食返個飽中和下

全部食清.......十個辣........

好滋味...... 又想ENCORE多一次

生活就是很 "型"

相1. 吃飯相一張

相2. 你估下我地係邊個?


2日1夜的生活營很快又完結了...或許老掉牙的一句話永遠也是對的 --
"快樂的時光總是過得特別快!"
令人津津樂道的是大家的天才表演, 謝小姐的咆哮 (比我來得震撼喎!), 兩姊妹的生鬼拍賣, biscuit的海星表演, 大隻仔與sun 的床上戲 (註: 沒有色情) 等.....生活營總是充滿著大家的創意. 我想也是活動負責人常常設立 "天才表演" 環節的原因吧!
以上說的是團友們的動態, 但其中也不乏心思細密, 知識豐富之輩! 尤其是偉大的波斯貓組長 - 居然對歷史人物如此熟識...(但係原來佢 有眼不識 "向生", 真係...難怪....其實向生也不是歷史人物囉.) 總的來說, 每個弟兄姊妹也有他/她 "型" 的一面.
"求神用得著這群不錯的僕人" 有感而發的我作了這樣的禱告.
人大了, 活動也不能盡是跑跑跳跳. 十分感謝負責構思遊戲的弟兄姊妹, 考慮到我們一群 "青年人"的需要, 原創了很多既有趣又有意義的活動.
特別感謝力邀MARGARET參加的某某姊妹, 令我們不至錯過了這個很有意識的相聚..
(本來我倆在決定參加生活營的事上十五十六, 並仿傚LAUGHING哥擲公字決定了 "不去"..... 事後想起LAUGHING最後的下場, 我想穩陣計也不應學他 :) -)
下年再見了, 屬於我們的生活營...

初試 "提升" - written by Mrs Mak

比左錢不唔一定係大晒, 試衫都要預約架 - 最後BOOK左兩個星期, 終於BOOK到一個下午時間LA (仲要閒日, 不過人地得閒d, 我地試衫都方便d, 大家好做嘛), 今日去左溫馨試衫, Book 溫馨係因為我都幾鍾意個到d 婚紗同埋款多, 我相信咁多百件總有d岩我既, 今日大約三點.就去到啦.
試返我like 個件婚紗都一樣咁鍾意,  我記得上一次試好似個身脹d, 跳左一個月funky dance 依家瘦返少少, 但係都係要減, 唉.....唔知真係要減到幾時呢? 減肥就係我0既終身事業.
晚裝既款真係好多, 公主款同a line 我都試過, 兩個feel 都幾鐘意, 好多顏色都試過, 真係估唔到原來我着桃紅同黃色係幾好睇, 本身我都幾like 紫色, 但因為百樂門d 佈置係紫色我又唔想撞, 最後都無揀,  揀左兩個鐘我同阿mak都揀完. 可惜個到唔俾影相. 要final 先有得影, 己家要繼續努力減肥, 同埋下一步要諗下造型, 由頭到腳其實涉及n 咁多個parts….
MAK 禮服
1) 米白色禮服 – 太型太誇張0既都無揀, 只係揀左一件 “少型”, 行教堂始終唔同行catwalk. 款要正經d 嘛
2) 灰銀色禮服 – 我覺得ok 但mak 好like, 佢話成世人未著過銀色…好, 支持下佢…
Margaret 禮服
1) 白色公主款大拖尾婚紗, 好多LACE同閃石, 靚~~mak 都好鍾意
2) 桃紅色low cut 晚裝, 以釘花同閃石, 好sharp,着完成個人都白d
3) 紅色ALINE 吊帶晚裝, 着左好有女人味, 拖尾好靚好高貴 
4) 黃色DEEP V ALINE 晚裝, 諗住送客着, 終極性感, 着左個人高左同高貴左
仲有姊妹同媽媽, 同埋自己套褂 – "一切仍要努力!"

讓人分別出來

戒指吸引之處 - 是指一個婚姻的約定
用心選上尚好的, 也是視約定重要性的一種體現
差不多每個品牌也看過了....結果選上的還是Cartier....
有品牌的戒指質素會比一般的好一點嗎? 我想不一定有很大差距, 但是這品牌給人的信心正是它物有所值之處吧.
作為戒指的主人, 我還沒有真正用上它, 但是單是紅色皮質的包裝袋, 已看令人看出Cartier 傲視同儕之處....令人讚嘆的是它穿手抽的位置居然裝有金色的彈簧, 既好看又可以減少爛手抽的機會。
再加上高的服務水平, 無論element, peninsula 也有表現專業有禮的服務員. 雖然沒有在element 買, 但是我第一次欣賞老卡, 也是由那次開始.....我想起聖經提及的 傳福音..."element 撒種, peninsula 收割了..."
----------------------------------------------
"我買的是戒指, 還是它們?" 望著紅色袋, 美輪美奐的贈品的我不禁忽發奇想...
我鍾情的是它帶來的虛榮? 或許有一些吧...
不過肯定的是.....我欣賞它那份一絲不苟, 欣賞它用心地追求 identify herslf among brands 的經營態度
我覺得基督徒也許要效法它的一絲不苟, 我們不是去推銷耶穌, 但是如果我們像carter般 identify myself among people (分別為聖), 你的一個關心, 一個正面的態度, 一個不求回報的幫助.....或許可以讓人有渠道認識耶穌。

賣笠 - 賣卡TEA牙

"一面凝望著它的package, 幻想著穿上它們後與margaret擺出殺食的姿態......我想這就是一種虛榮....."
又是再戰百利的星期天, 幸好不是看化妝, 要不然定必狂吃閉門羹.....這十分不難理解 - 試問那一個化妝師希望星期天還留守在大本營!?
五花百門的姊妹裙 - 水準似乎不俗, 價錢也合理, 而且名聲平均也好過金x商場一些....
在此一遊 - 我們就像農夫sell港鐵--
入入出出, 出出入入
"入"各店重覆以下對白 =>
這裡租定抽買? 幾錢? 長短裙同價嗎?
一次要幾套有冇得平?包唔包改?要改要幾耐?有冇卡片?謝謝......."出"
這份功課是姊妹 group project, 預備總算做了, 還是先想一想, 轉移去找我倆的小婚戒
平日沒有太多機會去半島行逛買東西, 這次買婚戒可說是出師有名......哈哈
待續

"辛"假期 - 第一天

以前很怕上大陸....並不是有錢卻怕老笠, 也不是整潔又怕污糟, 更不是健康但怕肚疴.
但是與margaret一起後, 親戚很多也是居於國內. 我覺得既然人家也是這樣生活, 上大陸有何問題?
(當然不是叫你將錢包亂放啦....)
表姐工事在身, 完事後接我們, 所以我倆也可以先去筍崗看看婚嫁的附件.
平來計劃先順路在口x茶xx吃午飯 (貪快), 誰不知各大茶記也迫滿香港人.....平時我嘲笑老外來香港也要吃麥記, 歎 "star不". 香港人也好不了, 走進有多於4000年飲食文化的大國也是找茶記, 幹嗎?
筍崗"筍"在種類多, 價錢合理, 質素也十分好. (金都, 百利也是由那裡入貨, 說它不好唯有去歐洲買喎!) 原本想看看利是封.最後不但買了利是封, 紅色拖鞋, 回禮封, 對聯, 多款"囍" 字, 男女家上頭用品, 簽名筆, 紅色cusion, 甚至啤派, 通通沒有錯過......老闆娘也介紹了 紅色睡衣 (穿一次唔知比邊個睇), 甚麼百子千孫的掛飾 (意頭野). 不過, 最後也掃不了太多.
筍崗還有很多很美的婚帖, 回禮小禮物, 當然購入時要考慮 diy 等跟進工作....所以還是先想想吧!
表姐在另一面也努力購物中 (工作原來早就完了.) 誰等誰也好....我倆去超凡走走.
我很喜歡在筍崗看家品, 它比 "依家" "十為" 還好, 款式之多令人咋舌.
下午7:00, 也是大大部分商場 "下崗" 的時候, 也終於找到正在議價的表姐, 與及她的好友 - 博士 (不是花名, 他是貨真價實的博士, 所有我認識的人當中最有知識內涵的一位). 博士正在勸表姐購物要速戰速決, 因為大家也趕緊醫肚......
(註: 我與MARGARET 迫不進口岸, 沒有好好吃過午餐喎!)
吃過一餐不錯的晚餐 (很辣), 餐廳名及細節忘記了....因為相比最後一天吃的 巴蜀風, 10 比 100. 不是前者差, 只是後者太好.....
乘表姐的粉紅坐駕回蛇口, Margaret 嚷著去吃豆腐串燒才睡覺.....蛇口的串燒既平又是十分美味, 但可能兩位女士們 叫 "辣" 叫 得太興奮, 燒的妹子也 "分外落力", 難為了我吃了最多辣粉的一串豆腐, 好像獎門人玩 "辣辣壽司" 般淚灑當場.

"辛" 假期 - 第二天

昨天大家也很晚才睡...第二天吃過博士及表姐的 (早 + 午)餐, 我們向東門出發了.
東門不及蛇口安全整潔, 勝在似旺角般包羅萬有. 在表姐的帶領下, 我們講價也特別 "狠", 實行 賣 120 回價 30, 傾唔掂即走, 大都成功喎! (咪當我 "港" 燦!?)
大肆購物後, 表姐約了一位朋友吃泰國菜, 原來那位朋友常常來港買正貨. 看見他一身穿著正+名的貨, 不禁想起一句: "香港好彩有你 (地)"!
晚飯後, 我們又回到蛇口, 難得解放的我們夜闖髮型屋洗頭, 在那裡洗頭員一點也不簡單, 他們既洗頭也會按摩. 店舖又內至外一點也沒有 "娘" 的感覺.髮型師也很專業, 遇上 "臨收工先入來" 的我們也很有耐性.
當我的咖啡杯漏了, 他馬上處理, 並問我要不要多一杯. 當我將 locker 匙扣的小珠弄滿地的時候...他們馬上給我新的, 並告訴我 "不用介意", 這種服務, 我想劉華都讚好!
margaret 似乎沒有受昨天 "獎門人"的事所影響, 又再call 齊表姐, 博士去吃串燒...
聽聞邀請博士講一小時talk 也要幾千, 我想 "叫他陪我們吃喝玩樂豈不是浪費了他?"
難得的是他絲毫沒有架子......也不介意我們的到來阻礙了他的研究。

"辛" 假期 - 終章

多留了一天.....十分不好意思地吃了博士預備的早飯 (要知道他的研究工作是十分忙碌) 我們便向 x 紀廣場出發....那個廣場的衫是很不錯的, 可是它比 "旺中" 更狠, 連一點男士用的著的東西也沒有賣, 令我只有作跟班的份兒.
最深刻的一幕不是小姐們瘋狂揀衫的樣子(反正看慣了); 而是自己弄出來的情節....在店門外等待兩位女士等到發呆的我, 魂遊丈外....突然我眼前出現了一個人! 他從上到下打量了我一遍, 我仿然大誤地明白到自己當了一個 模特兒公仔 (在x紀廣場也有男model?). 我一動還令他爆笑.....(好彩博士沒有來) 好瘀呀!
購物後吃飯前, 按摩似乎是一個不二之選, 不幸的是我們貪新鮮選了一種甚麼xxx經絡按摩, 結果是被那些高溫的香近距離熱了一遍.錢是你給的, 有效與否是人家說的. 但我擔心的是她們在 "療程" 中失手, 灼我們一個措手不及!
最後, 按得表姐一肚氣......
最後, "辛"假期終極一擊 - 巴蜀風 (正宗四川菜), 水煮甚麼也是十分辣, 尤其是水煮魚,場面浩瀚! 魚仔們都沉在一眾 "椒海" 之下 , 辣椒多都好似電腦特技弄出來的, 十分辣也十分野味, 一眾人一面吃一面出汗一面讚好!
吃過後不枉此行!