因著送柏然回教會上暑期聖經班的緣故，難得在工作天的早上找到了跟祈祈獨處的時光。
也許爸爸一向很兇了吧？陪我在麥記吃早餐的她，除了說好了的橙汁以外沒有求其他的東西。
「爸爸，咖啡好唔好飲架？」
她的溝通能力可真一日千里，說話能力跟哥哥愈來愈近了。但論到問問題，哥哥可算是「發問王」，問得多問得深入。
有兩個問題他問得最多...
.
「仙女同灰姑娘講，魔法會12時就消失....」
「點解會消失既？」
「因為魔法有效力嘛」
「點解魔法有效力既？」
「魔法梗有效力架啦」
「點解魔法梗有效力既？」
巴斯光年點解要打索克天王？
湯馬士火車點解要瞓車棚？
點解？點解？點解？
每次說故事，總有講故駁故的時候，一路回應，一路想，童話故事的情節也太多bugs。只是大人的思維就是習慣了 「故事就係咁啦」或者「唔係咁可以點?」，一個又一個 "點解"不知不覺也令我思考也多了。
管理學也常用backward questions 去做 root cause finding。另外想到牛頓，若他被蘋果扑完的一刻不是想 「點解」，我們也許仍未知地心吸力是何物。所以，我常常禁戒自己不要回應: 「咁就係咁啦!! 問問問....」
然後第二個問完又問的問題呢.....
.
「過馬路要拖實大人啊! 如果唔係會比車撞到...」
「然後呢?」
「入醫院囉!!」
「然後呢?」
「好痛囉，可能會死架!!」
「然後呢?」
人死了，還有然後嗎?
小朋友問問題，有如面對一條河。他總是要問點解點解，誓要找出水的來源。另一方面，他們又關心水的去處，然後又然後，水最後往哪裡他們亦有興趣知。
人死了，還有然後嗎? 其實聖經的回應是：有的。所以問這問題的小朋友既是單純，但同時也並非沒有智慧。
相反，大人少有這些求知慾。有時跟別人談信仰，很容易提到「創造」及「死亡」。
當問到 「點解大自然咁奇妙? 宇宙又咁有秩序?」
「唔知呀...有咪有啦!!!」
「人死了然後去邊?」
「唔知呀...都唔諗咁多啦!!」不少長者也是存這個思維.
反覆思想的我，更明白為何耶穌如此喜歡小孩，並希望我們學像他們了。
沒有留言:
張貼留言